Mumbai Ke Builder Ne Apni 19 Floor Ki Building Ko Quarantine Centre Me Badla

Mumbai Ke Builder Ne Apni 19 Floor Ki Building Ko Quarantine Centre Me Badla

19 floor building converted into quarantine centre

Coronavirus ke khilaf Mumbai ki jang jaari hai, kai log mushkil ke is daur me logo ki madad ke liye aage aa rahe hai. Ek builder ne to apni nai naveli 19th floor ki building ko Brihanmumbai Municipal Corporation (BMC) ko de diya hai. Jisse ki (BMC) iska istemal COVID-19 hospital ke taur par kiya jaaye. (Sheeji Sharan Developers) ke Mehul Sanghvi ne kaha, 'humne kirayedaro se charcha ke baad swechha se aaisa karne ka faisla kiya. Building ka istemal Corona patients ke quarantine Centre ke roop me kiya ja raha hai.'

Malad ke SV road me sthit is Building me 130 flat hai. Iske liye Rajya sarkar se Occupation certificate bhi mil gaye the. Ab inhe bas flat Owners ko diye jaane ka kaam baaki tha.

Per flat 4 patients ke hisab se ab tak, 300 patients ko building me shift kar diya gaya hai. Malad ke Sansad Gopal Setthi ne is faisle me important bhoomika nibhai. North Mumbai ke Vidhayak ne kaha ki weh Mehul Sanghvi ke touch me hai or unhone malad me mamlo ki badhti Sankhya ko dekhte unhe building muhaiya karane ke liye aashwast kiya hai.

"Hum Khush hai ki Mehul Sanghvi jaise logo ne adhik se adhik acche ki seva karne ke liye is mushkil samaye ke dauran personal profit ko alag rakha. Hum aasha karte hai ki Anya log bhi isi sahyog ke liye aage aaye. Jisse hume adhik se adhik jeevan bachane me madad mil sake"

Rajya Sarkar Swasth Vibhag ki taraf jaari aankdon ke mutabik Saturday ko Maharashtra me ek din me 3,874 naye case saamne aaye. Rajya me ab tak corona ke mamle 1,28,205 ho chuke hai. Wahi ek din me 160 logo ki maut hui hai. Rajya me marne waalo ki sankhya ab tak 5984 ho chuki hai. Greater Mumbai Municipal Corporation ne bataya ki Saher me 136 logo ki maut or 1,197 naye case saamne aaye hai. Saher me ab tak total 65,265 mamle saamne aaye hai.

0/Post a Comment/Comments