Supreme Court : Desh Bhar Me COVID-19 Test Ki Keemat Ek Honi Chahiye

Desh me coronavirus test ki alg alg keemat ko lekar Supreme court ne ek important decision liya hai court ne kaha hai ki desh bhar me COVID-19 test ki keemat ek honi chahiye, kahin test ki keemat 2,200 hai to kahi 4,500 rs. Aaisa nahi hona chahiye. Mamle ki sunwai kar rahi bench me justice Ashok Bhushan bhi shaamil hai. Sunwai ke dauran Justice Bhushan ne kaha COVID testing ke liye uchit dar taye ki jaani chahiye. Desh bhar me is sambandh me ekroopta honi chahiye.

Court me COVID-19 ke upchar or hospital me corona sankramit dead body ke sath bura bartav karne ke mamle me bhi sunwai hui hai. Court ne is mamle ka swatah sangyan liya hai. Iski sunwai justice Ashok Bhushan, justice Sanjay Kishan Kaul or justice M.R Shah ki peeth par kar rahi hai.

Supreme court ne kaha ki specialist ki team ko hospitals ka daura karna chahiye. Wahan jaruri upaaye karne ke liye kadam uthaya jana chahiye. Court ne aadesh diya ki 'Rogiyon ki dekhbhal or dead body ko sambhalne me khamiyo ko dur kare or sabhi ward me CCTV camere lagaye jaane chahiye.'

Delhi Sarkar ne apne paksh me kaha ki kisi doctor ya chikitsa karmi ke khilaf FIR nhi hui hai. Ek karmchari ke khilaf karyawahi hui thi wo bhi wapas ho gai. Sarkar ne bataya ki Gangaram hospital ke khilaf pravdhano ka palan na karne par FIR darj ki gai hai.

Bata de ki Delhi sarkar ki or se private hospital sar Gangaram hospital ke khilaf FIR darj karwai gai hai..Delhi Sarkar ke swasth vibhag ke dipti secretary ki shikayat par yeh mamla darj kiya gaya hai. Hospital ke khilaf sarkari aadesh ki avahelna ka prakarad darj kiya gaya hai.

Agar Delhi me Corona testing ke price ki baat ki jaaye to yahan Coronavirus testing ke price ghata diye gaye hai. Yahan Corona Testing karane ke liye logo ko ab pehle se aadhe paise kharch karne honge. Delhi Sarkar me Deputy Chief minister Manish Sisodia ne ek Twitte kar bataya ki ab Delhi me COVID RT-PCR test ki keemat 2400 rs kar di gai hai. Unhone Twitte me likha, ' Delhi Sarkar ne COVID RT-PCR test ki keemat kul charge milakar 2400 rs karne ka faisla kiya hai.

Related Post:-


Smell Or Taste Karne Ki Shakti Achanak Khatam Hona Bhi Ho Sakta Hai Corona Virus Ka Symptoms

0/Post a Comment/Comments