Indian Mobile Company: China Ko Takkar Dene Ke Liye Kar Rahi Hai Taiyari

Indian Mobile Companies Comeback To Beat Chinese Company


China ke khilaf is waqt duniya ke kai desh hain pahle coronavirus aur fir Bharat or China ke beech seema vivad ke mamla aur garm ho gaya hai social media per Chinese Companies ke boycott ki baat ho rahi hai Indian Railway ne China ki company ko diya gaya theka bhi cancel kar diya hai. Iske alava BSNL aur MTNL ko bhi 4G vistar ke liye Chinese companies ke madad na lene ko kaha gaya hai jab bhi China ke boycott ki baat hoti hai to sabse pahle Chinese Mobile company nishane per hoti hain is bar bhi aisa hi ho raha hai. Counterpoint research ke mutabik January se March ke bich Bharat mein 21% phone ki bikri Chinese companies ki hui hai Bharat ke mobile market mein Micromax aur lava jaisi companies ki hissedari sirf 1% hai lekin yadi Indian companies #vocalforlocal movement ka fayda uthati hai to market mein fir se inki wapasi ho sakti hai ab sawal yah hai ki yadi Chinese mobile companies ka puri tarah se boycott ho jata hai to Bharat ki kaun kaun si mobile companies hain jo unki jagah le sakti hain.

Indian Mobile Companies

  1. Micromax
  2. Lava
  3. Karbonn
  4. Intex

MICROMAX

Saal 2017-2018 tak Bhartiya mobile market mein Indian company Micromax ki acchi khasi pakad thi log Micromax ke feature se lekar smartphone tak khareedna pasand karte the lekin baad mein chinese company ke dab-dabe ke baad Micromax ne apna mobile karobar ek tarah se band hi kar diya ab China ka ho rahe virodh ke bich company ne twitter per ek user ke sawal ka jawab dete hue kaha hai ki weh wapasi ko taiyar hain aur jald hi 3 smartphone market mein utaar denge jinme se ek budget phone hoga dusra mid-range aur teesra phone premium hoga halaki company ne model number nahin bataya hai aur na hi is baat ki jankari di hai ki made in india phone ke liye parts ki supply kahan se hogi. Micromax apne aane wale phone ke liye #madebyindian aur #madeforindian hashtag ka istemal kar rahi hai halaki company ne is baat ki jankari nahin di hai uske phone Bharat mein bane hain ya fir kisi Chinese company ki madad se phone taiyar kiye gaye hain aapko batate chalen ki Micromax ne bharat mein pahle Chinese phone ko re-brand karke becha hai Micromax ke founder Rahul Sharma ne December 2014 mein u-telework naam se ek Co-brand ki sthapna ki jiske tahat shuruaat mein Shenzhen sthit vikreta coolpad ke re-brand kiye gaye phone beche gaye baad mein coolpad khud hi Bharat mein apne phone bechne lagi thi.

LAVA MOBILES

Micromax ke baad Lava Bharat ki ek pramukh mobile company hai reports ke mutabik Lava bhi jald apne new smartphone pesh karne ki taiyari kar rahi hai Lava ke aane waale smartphone ko Z66 model number ke sath benchmark side geekbench per dekha gaya hai jahan se iske kai feature ki jankari mili hai listing ke according users ko is smartphone mein HD display, android 10, 3gb ram aur UNISOC processor ka support milega iske alava Lava ke is aane waale smartphone ko site per single core mein 153 aur multi-core mein 809 points mile hain halaki lava ne abhi tak is smartphone ki launching se judi Adhikarik jankari sanjha nahin ki hai Bharat mein Lava ke safar ki baat karen to company ki shuruaat 2009 mein hui thi. Baad mein company ne apna Co-brand Xolo bhi pesh kiya jiske tahat kai saste smartphone pesh kiye gaye. saal 2019 tak company mein total 10,000 se adhik workers the Lava ke phone Bharat ke alava Thailand, Nepal, Bangladesh, Shrilanka, Mexico, Pakistan aur Russia jaise Deshon mein supply hote hain company ne saal 2016 mein Afriki market mein bhi apne phone pesh kiye the pichhle sal America aur China ke bich hue trade war mein Micromax or Lava ko kafi fayda hua tha kyunki America ki AT&T, T-mobile aur sprint ne device taiyar karne ke liye Bharat ki inhi 2 companies ko select kiya tha aur 2,500 rupaye ke phone banane ke liye order mile the.

KARBONN MOBILES

Waise to filhal market mein karbonn ke smartphone nahin hai lekin ab khabar a rahi hai ki company jald hi smartphone market mein entry lene wali hai IT ki report ke mutabik Karbonn mobile 10,000 rupaye se smartphone launch karegi bata de ki feature phone market mein carbon ki acchi khasi pakad hai company Bharat mein har sal kareeb 8 se 10 lakh feature phone ka karobar kar rahi hai.

INTEX MOBILES

Intex Bharat ki sabse purani mobile company hai lekin 2018 se company market se gayab hai company ki sthapna 1960 mein hui thi ek samay mein Intex ki pakad smartphone aur feature phone dono market mein thi lekin filhal pichhle 2 sal se company ne koi smartphone market mein nahin launch kiye hain China ke boycott aur #vocalforlocal movement ke beech bhi company ki or se market mein wapasi ko lekar koi report samne nahin aai hai Bharat ki sabhi mobile companies ki nirbharta abhi tak China per hi rahi hai kyunki Bharat mein mobile ke parts ka utpadan nahin hota ab dekhna yah hoga ki Bharti mobile companies market mein wapasi ke liye parts kahan se mangati hain china ke bad Vietnam mobile parts ka naya thikana ho sakta hai.

0/Post a Comment/Comments