NIRF Ranking 2020: AIIMS India Ka Number One Medical College, Top 3 Me Shamil Hue Ye College

NIRF Ranking 2020: AIIMS India Ka Number One Medical College

indian top medical college 2020

NIRF Ranking 2020: Kendriya Manav Sansadhan Vikas Mantralay ne is saal National Institutional Ranking Framework (NIRF) list jaari kar di hai. Is saal ke top 3 Medical College ki list me All India Institute Of Medical Science, Delhi (AIIMS) ne sabko piche chodte hue 1st position par apni jagah banai hai. Is list me 2nd position par Post Graduate Institute Of All Medical Education And Research (PGIMER) , Chandigarh raha hai, jabki 3rd position par Christian Medical College, Vellore (CMC Vellore) ne kabza kiya hai. Is saal 5,805 institute ne 9 alag alag category me hissa liya hai. Is saal pehli baar Dental Institute ki bhi ranking jaari ki gai hai. National Institutional Ranking Framework (NIRF) ki shuruaat 2015 me ki gai thi or 4 april, 2016 ko iski pehli ranking list jaari ki gai thi. Iske tehat alag alag category me Bharatiya Shikshan Sansthan ki ranking taye ki jaati hai. 2016 me NIRF ke tehat sirf 4 category me institute ki ranking jaari ki gai thi, jo 2019 tak badhte-badhte 9 category tak pahuch gai.


In Aadhar Par Taye Ki Jaati Hai Ranking

NIRF ki ranking teaching, learning or Sansthan, research or professional practice, graduation ke result etc aadharo par taye ki jaati hai. NIRF ranking her saal April ke pehle week me jaari ki jaati hai. Lekin is saal coronavirus ke chalte isme deri ho gai hai.


2020 Ke Top 3 Medical College

No:1 par All India Institute Of Medical Science, Delhi (AIIMS) hai.

No:2 par Post Graduate Institute Of All Medical Education And Research, College (PGIMER) Chandigarh.

No:3 ki jagah Christian Medical College, Vellore (CMC Vellore) ne li hai.

0/Post a Comment/Comments