Delhi Me Lockdown Badhane Ki Koi Yojna Nahi : Arvind Kejriwal

Delhi Me Lockdown Badhane Ki Koi Yojna Nahi : Arvind Kejriwalis lockdown extended

Corona virus ke mamle teji se badhane ke bich desh ki Capital Delhi mein lockdown badhane ka anuman Lagaya Ja raha hai Delhi ke CM Arvind Kejriwal Ne uska khandan karte hue kaha ki Delhi mein lockdown badhane ki koi yojana nahi hai Kejriwal Ne tweet ke jariye jankari di hai Delhi mein coronavirus sankramiton ki total sankhaya  41,000 ke paar pahunch chuka hai wahi 1,300 se jyada logon ki ab tak jaan ja chuki hai.

Isse pehle 18 June se Desh bhar mein lockdown karne ka dawa kiya ja raha tha jis par Sunday ko PIB ki taraf se clarification Diya Gaya PIB Ne tweet me kaha ki yah khabar jhuthi hai Is tarah ki koi yojana per vichar nahin kiya ja raha hai "Afwaho Se Dur Rahen".

Health Ministry ki or se Monday ko Jari aankde ke anusar Bharat mein is virus se sankramito ki  sankhya 3,32,424 ho gai hai Monday ki Subah samapt hue 24 hours mein corona ke 11,502 naye mamle samne aaye hain 325 logon ki maut hui. Desh me ab tak 9,520 logo ki maut ho chuki hai, halaki 1,69,798 patients is beemari ko maat dene me safal hue hai. Recovery rate mamuli badhotari ke sath yeh dar 51.07 % par pahunch gai hai.

Wahi Sunday ko jaari aankdo ke mutabik, Delhi me corona sankramiton ka aankada 41,182 ho gaya hai or ab tak 1300 se jyada logo ki maut ho chuki hai. Delhi me beete 24 hours me corona ke 2224 naye mamle saamne aaye or yh aankde 41182 tak pahuch gaya hai. Beete 24 hours me 878 patients theek hue hai. Wahi, ab tak total 15823 patient theek ho chuke hai. Beete 24 hours me 56 patients ki maut hui or yh aankde badhkar 1327 ho gaye. Delhi me active patients ki sankhya 24,032 hai.

0/Post a Comment/Comments