Pubg Mobile Update: Pubg Mobile Me Aane Waala Hai New Map

Pubg Mobile Update: Pubg Mobile Me Aane Waala Hai New Map Erangel 2.0

Pubg Mobile apne popular Or sabse pahle map Erangel ko kuch bade updates ke sath pesh kar sakta hai. Miramar 2.0 upgrade ke baad ab aaisa lagta hai ki developers game me sabse jyada khele jaane waale map Erangel ka new version laane ki taiyari kar rahe hai, jise ab Pubg Mobile ke Chinese version, Game For Peace ke beta version me dekha gaya hai. Erangel 2.0, new features, mechanics or graphical sudharo ke sath aata hai. Yh ummeed ki ja rahi hai ki kyon ki new map game ke Chinese version me dikhaya gaya hai, isliye ye jald hi global version par bhi apna rasta bana sakta hai.


pubg mobile update


PUBG Mobile Update: Erangel 2.0

Sportskreeda ki ek report ke anusar, map me mechanics or graphics dono me kai changes or sudhar kiye gaye hai . Erangel 2.0 ko PUBG Mobile ke Chinese version, Games For Peace ke beta version me joda gaya hai. Yh new map root planner, naye behtar graphics, gaadiyon ke liye behtar or customizable controls or ultra HD graphics jaise features lata hai.

Root Planner features me player map me pahle se hi alg alg jagah par Mark laga sakte hai or game me unhe kahan kahan jaana hai pehle se hi decide kar sakte hai. Isse player ko baar baar game ke beech me map kholne ki jarurat nahi hogi.


Games For Peace ke beta version me ultra HD graphics settings option bhi add kiya gaya hai. Yh feature mainly PUBG Mobile ke global version me pahle se hi available hai, lekin beta version me nahi.


Naye Erangel 2.0 map me gaadiyon ke liye customizable version ko bhi joda gaya hai. Report ke according, yh feature player ko apne controls ko game khelte samaye bhi badalne ki permission deta hai. Iske alawa report yeh bhi batati hai ki Erangel 2.0 me graphics me bhi improvement hui hai, jiska matlab hai ki map me bharpoor details add hongi. Buildings ke andar ke part me bhi badlaw kiye jaayenge, or color ko bhi thoda attractive banaya jaayega.

Ab tak, is baare me koi information nahi hai ki yeh update map game ke global version par kab aayega. Pichle mahine, PUBG Mobile me Miramar 2.0 map ko joda gaya tha. Yeh map 0.18.0 update ke sath laya gaya tha or ummeed hai ki isi tarah update ke jariye Erangel ke new version Erangel 2.0 ko bhi laya jaayega.

0/Post a Comment/Comments