Bollywood Famous Actor Sushant Singh Rajput Ne Kiya Suicide Apne Ghar Mumbai Me

Sushant Singh Rajput Commits SuicideSushant singh rajput commits suicide


Bollywood se ek bhut hi chuka dene waali khabar saamne aai hai, famous actor Sushant Singh Rajput ne Mumbai me apne ghar me fansi lagakar jaan de di. Unki age 34 year thi. Reports ke anusar, Sushant ke kuch dost bhi unke ghar par the. Unke room ke door ko jab toda gaya to room me Sushant fansi ke fande se latke paaye gaye. Police ki report ke anusar, ve pichle 6 mahine se depression se gujar rahe the.

Unhone apne career ki shuruwat T.V actor ke taur par ki thi. Unhone sabse pahle 'Kis Desh Me Hai Mera Dil' naam ke serial me kaam kiya tha par unhe pahchan Ekta Kapoor ke serial 'Pavitra Rishta' se mili thi. Iske baad unhe filmo ka safar shuru kiya tha. Ve film Kai Po Che me lead actor ke taur par nazar aaye the, or unki acting ki taareef bhi hui thi.

Iske baad wo film Shuddh Desi Romance me Vaani Kapoor or Parineeti Chopra ke sath dikhe. Halaki unhe sabse jyada charcha Bhartiya Cricket team ke caption rh chuke M.S Dhoni ke kirdaar nibha kar batori thi. Ye Sushant ke career ki pehli film thi jisne 100 crore ka collection kiya tha. Sushant iske alawa film Sonchiriya or Chichore jaisi filmo me nazar aa chuke the. Unki aakhiri film Kedarnath thi jisme ve Saara Ali Khan ke sath dikhe the.

Jaisa ki hum jaante hai ki pichle kuch samaye me Bollywood ke gai diggaj Kalakaar ne is duniya ko alvida kaha hai. April ke mahine me Irfan Khan or Rishi Kapoor jaise legendary actor ka nidhan hua tha.wahi haalhi me singer or music composer Wajid Khan ka 42 saal ki age me nidhan hua tha. Iske alawa pichle mahine varishth geetkaar Yogesh Gaur bhi is duniya ko alvida kh gaye the.

0/Post a Comment/Comments