Corona Ke Chalte Syllabus Chota Karne Par Charcha

Corona Ke Chalte Syllabus Chota Karne Par Charcha

Coronavirus Infection ki wajah se school or college khulne me abhi time lagega. Taiyari yeh bhi hai ki school khulne ke baad aane ya na aane ko lekar students or parents ko dheel di jaaye. Ek vichar yeh bhi ki aaise baccho ko hi school bulaya jaaye jo sansadhano ki kami ki wajah se online padhai nahi kar pa rahe hai, yani unke pass mobile, internet or T.V etc nhi hai.

Online padhai nahi kar sakne waale students ko hi bulane or baaki ko dheel dene par vichar
Jo students Ghar se hi padhai kar sakte hai, unhe online hi padhaya jaaye. Unhe school aane ki anivaryata se mukt rakha jaaye.

Kam students aayenge to physical distance ke niyamo ka palan karne me bhi hogi aasani
Manav sansadhan vikas mantralay se jude adhikariyon ke mutabik isse school me students ki bheed nhi jama hogi. Sath hi physical distance ke niyamo ka bhi aasani se palan kiya ja sakega.

Corona Sankramad ke karad jyadatar parents abhi bhi online padhai ke hi paksh me
Bataya jata hai ki badi sankhya me parents ne sankramad ka khatra taalne tak mantralay ko online padhai karane ka hi sujhao diya hai. Filhal in saari situation ke beech Mantralaya school ko kholne ki taiyari me juta hua hai. Rajyon ke sath school ko kholne or online siksha ko lekar monday ko hui baithak me jyadatar sabhi students ko nahi bulane ki yojna ke paksh me dikhe.

Is Yojana ko online padhai ke sansadhan waale Shehri chetro me pehle apnaya ja sakta hai
Sutron ke mutabi, filhal is yojna ko shehri chetro me pehle apnaya ja sakta hai, jahan jyadatar students ke pass online padhai ke sansadhan maujood hai. Hal hi me Kendriya vidyalaya jaise school sangathan ne ek test ke jariye ab tak karai gai online padhai ka aanklan bhi shuru kiya hai.

Syllabus ko chota karne ko lekar maangi gai salah
Manav sansadhan vikas mantralay ne parents or teachers se corona sankat ke chalte school syllabus ko chota karne ko lekar bhi salah maangi hai. Kendriya manav sansadhan vikas mantri Ramesh Pokhriyal Nishank ne tweet kar iski jaankari di. Sabhi se 7 din me is par sujhav dene ke liye kaha gaya hai. Filhal Mantralaya ne 10th or 12th ke syllabus ko chota karne par vichar shuru kiya gaya hai. Baad me other class ko lekar bhi decision liya jaayega.

0/Post a Comment/Comments