Smell Or Taste Karne Ki Shakti Achanak Khatam Hona Bhi Ho Sakta Hai Corona Virus Ka Symptoms

Symptoms Of Coronavirussymptoms of coronavirus

Kendra Sarkar ne Smell or Taste karne ki shakti achanak khatam hone jaise symptoms ko bhi Coronavirus ke sambhavit symptoms ki list me joda hai. Document "Clinical Management Protocol: COVID-19" me 7 aur symptoms ki suchi me "Gandh or Swaad ki haani" ko joda gaya hai. Bharat me Coronavirus ke mamle lagatar badh rahe hai or yeh 3 lakh ke paar pahuch chuke hai. Pichle Sunday COVID-19 par hui Baithak me is vishay par charcha ki gai thi lekin is par sabki sehmati nhi thi. Health Ministry ne corona ko lekar clinical guidelines jaari ki hai jiske anusar smell or taste lene ki shakti ka chale jaana corona ka symptoms ho sakta hai. Guidelines ke anusar corona ka jyada khatra 60 saal se jyada age ke logo, diabetes, hypertension, heart disease, lung disease, cancer patients, kidney ke patients ko hai. Remdesivir Dawa ko lekar guideline me kaha gaya hai ki emergency situation me yh patient ko diya ja sakta hai. Khaastaur par jo oxygen par ho or moderate category ke patient ho.

Convalescent plasma ke istemal par ministry ki guideline kehti hai ki jinko oxygen ki jarurat lagatar badh rahi ho or situation me sudhaar na ho raha ho, Khaskar tab jab steroid asar na kar pa rha ho tab unhe yeh diya ja sakta hai. Jinko lagatar jyada oxygen ki jarurat pad rahi ho, jo ventilator par ho or steroids ke baad bhi sudhar na ho raha ho aaise patients ko Tocilizumab diya ja sakta hai. Ministry ne kaha hai ki HCQ ka istemal jaari rahega.

Ek specialist ke anusar, bhale hi yeh symptoms vishist taur par COVID-19 se jude hue nahi hai kyonki Flu ya influenza me bhi insaan ko smell or taste le paane ki shakti chali jaati hai lekin yeh bimaari ke shuruwati symptoms ho sakte hai or jald pata lagane se jaldi ilaaj me madadgaar ho sakte hai.
America ke National Institute Of Public Health, rog niyantran oe bachao kendra (CDC) ne May ki start me COVID-19 ke naye symptoms me "smell ya swaad le paane ki shakti kho jaana" ko shamil kiya tha.

COVID-19 ke liye Indian Council Of Medical  Research (ICMR) ki 18 May ko jaari sanshodhit jaanch ranniti ke mutabik, influenza jaisi bimari (ILI) ke symptoms ke sath or dusre State se Lautne waale or pravasiyon ki aaise symptoms najar aane ke baad 7 din ke andar andar jaanch karni hogi.

ICMR ne kaha tha ki Hospital me admit patients ko COVID-19 ki roktham ke liye agrim morche par kaam kar rahe swasth karmiyon me ILI jaise symptoms vikshit hone par unki bhi RT-PCR jaanch ke jariye COVID-19 ki janch hogi. Sath hi isne kaha tha ki kisi bhi infected patient ke sampark me aane waale aaise log jinme symptoms nazar nahi aate or jyada jokhim waale logo ke sampark me aane ke baad 5 se 10 din ke andar jaanch karani hi hogi.

0/Post a Comment/Comments