Bharat Sarkar Ne Fir Se 47 Chinese Apps Ko Kiya Ban, Jaane Kya Rahi Wajah


Jaisa ki aap sabko pata hai ki June ke last me Bharat Sarkar ne Tiktok ke alawa 58 Chinese app ko Bharat me ban kar diya tha jisme Share It, Club Factory or UC Browser jaise kai or popular app shamil the.

Bharat Sarkar ne last month 59 Chinese apps ko Bharat me ban kar diya tha. Reason bataya gaya ki ban kiye gaye apps China ke sath Bhartiya users ka data share karte hai. Halaki, 59 apps ke ban hone ke baad bhi abhi ye mamla ruka nahi hai. Khabaron ke mutabik, ab Bharat Sarkar ne ek baar fir 47 Chinese apps ko Bharat me ban kar diya hai. Media reports me bataya ja raha hai ki ye apps pahle ban kiye gaye apps ke hi clone the, is wajah se ab sarkar ne in apps par bhi action liya hai. In 47 apps ke name saamne nahi aaye hai or Bharat Sarkar ki taraf se is baare me koi official statement nahi aaya hai. Ummed hai ki Bharat Sarkar is baare me ek notification jaari kar notice public kar skati hai.

Jaisa ki humne bataya apps ban ka mamla yahan rukne waala nhi hai. 47 apps ban ke baad jald hi sarkar or bhi Chinese apps ko ban karne ki taiyari kar rahi hai. In apps ki list me kai popular apps or games bhi shamil hai. The Economic Times ki report ke according, Sarkar ki nazar 275 Chinese apps par hai, Jin par National Security or Users Privacy ke rules break ko lekar jaanch ki ja rahi hai. In apps ki list me popular game PUBG bhi shamil hai.

Report ke according, jin apps ko review kiya ja raha hai un par China ke sath Bhartiya users ke data ko share karne ka aarop laga hai. Abhi is par jaanch chal rahi hai or is review ke according next list taiyar ki jaayegi.

0/Post a Comment/Comments