CBSE 10th Class Ke Result Kal Honge Announce, Minister of Human Resource Development Ne Di Jaankari

CBSE 10th class result 2020

CBSE 12th ke result aane ke baad 10th ke result ki date bhi announce kar diya gaya hai. Minister of Human Resource Development Ramesh Pokhriyal ne bataya hai ki CBSE 10th board ka result kal announce kiya jaayega. Is announcement ke sath hi unhone students ko good luck wish kiya hai. Human Resource Development Minister ne apne tweet me likha, "Dear students, parents or teacher 10th class ka result kal jaari kiya jaayega. Mai sabhi students ko good luck wish karta hu."

Aapko bata de ki CBSE ne Monday ko 12th class ke results announce kiye hai. Jisme girls ke pass hone ka percentage boys ki tulna me 5.96% behtar hai. 12th class me chetrawar Trivandrum area ka result sabse accha raha, jahan ke students ka pass persentage 97.67 raha. CBSE ne corona virus ki wajah se hone waali situation ko dekhte hue is saal merit list jaari nahi karne ka decision liya hai. Board ne 'fail' ki jagah 'must repeat' word ka use karne ka decision kiya hai.

CBSE dwara jaari bayan ke according, is saal 12th class me total 88.78 % students pass hue, jabki 2019 me iska persentage 83.40% tha. Yani, pichle saal ki tulna me is saal 5.38% jyada students pass hue. Is saal girls ke pass hone ka persentage 92.15 raha, jabki boys me 86.19% raha. Transgender ke pass hone ka persentage 66.67 register kiya gaya.

0/Post a Comment/Comments