Bharat Me 1000 Crore Dollar Ka Investment Karega Google, Kahi Ye Baat

google invest in india
Jahan ek taraf duniya me corona mahamari chal rahi hai wahi doosri taraf Google ne ek behad important step ke tehat Bharat me 1000 crore American Dollar (lagbhag 75,179 crore Indian Rupee) ke nivesh ki announcement ki hai. Google ke according, ye important step nivesh gantavya ke roop me Bharat ke khulepan or aakarshan ko saaf-saaf darshata hai. Google ka kehna hai ki is nivesh se 'Digital India' ke Prime Minister Narendra Modi ke irado ko amli jama pehnane me madad milegi.

Prime Minister Narendra Modi or Google ke mukhya karyakari adhikari (CEO) Sundar Pichai ke beech Monday ko hi video call par baat hui, jiske dauran unhone vibhinn muddo par charcha ki thi. Pichai ke sath apni is baat cheet ki jankari PM Modi ne khud tweet karke di. Unhone likha aaj subah @sundarpichai ke sath ek faldai baat cheet hui. Humne Bharat ke kisano, yuvao or udhmiyon ke jeevan ko badalne ke liye prodhyogiki ki shakti ke istemal sahit kai muddo par charcha ki.

Ek or tweet me PM Modi ne likha, 'Baat cheet ke dauran Sundar Pichai or maine us nai karya-sanskrati ke baare me baat ki jo COVID-19 ke samaye me ubhar rahi hai. Humne un chunautiyon par bhi charcha ki jo Corona virus ki vaishvik mahamari ne games jaisi field me la di hai. Humne data suraksha or cyber suraksha ke mahatv ke baare me bhi baat ki.' PM ne likha ki education, digital payment jaisi field me Google ke prayas ke baare me jankar mujhe behad khushi hui hai.

0/Post a Comment/Comments