Amit Shah Rafale Jet Ke Bharat Pahuchne Par Bole, Ye Fighter Jet Game Changer Sabit Honge

rafale fighter jet

Home Minister Amit Shah ne Rafale Jet ki pahli tukdi Bharat pahunchne per khushi ka izhaar kiya hai. Amit Shah ne desh ko badhai dete hue kaha ki yah Jet game changer sabit honge. France se kharide gaye fighter Jet Rafale aaj dopahar Bharat pahunche hain. Monday ko France se ravana hue 5 Rafale Jet ka pahla beda aaj Ambala Airbase per utra jiske baad Amit Shah ne isko lekar tweet kiya. Home Minister Amit Shah ne Ambala airbase per utarte Rafale jet ka video share karte hue likha- gati se lekar hathiyaron ko le jaane ki kshamta tak, Rafale bahut unnat jet hai. Mujhe pura yakin hai ki ye vishvastariya fighter jet game changer sabit honge. Main is khaas din per PM Narendra Modi, Defence Minister Rajnath Singh, Bhartiya Airforce aur pure desh ko badhai deta hun. Bharat ne 36 Rafale jet France se kharide hain France Sarkar ke sath 2015 mein 36 Rafale jet ki deal Bharat sarkar ne sign ki thi. Isse pahle Manmohan Singh ke Prime Minister rehte Rafale ko lekar deal hui thi lekin maujuda sarkar ne use cancel kar fir se deal ki thi. Abhi tak Bharat ke alava Egypt aur Qatar ki Airforce iska use kar rahi hain. Rafale ki landing ko lekar Ambala mein security ke sakt intejam kiya gaya. Pure City mein Act 144 lagai gai. Itna hi nahin IAF ne photo aur video lene per bhi pavandi laga di thi.

1/Post a Comment/Comments

Post a Comment