Bharat Me Plant Lagayenge iPhone Manufacturer, PM Modi Ke Make In India Ko Mila Boost

iphone assembly plant in india

Prime Minister Narendra Modi ke Make In India ko badhawa dete hue world ki sabse badi iPhone manufacturing karne waali company Pegatron Bharat me apna assembly plant ko sthapit karne ki taiyari kar rahi hai. Bloomberg ki ek new report iski information milti hai. Apple ke Make In India ke maujooda partner Foxconn or Wistron Corp ki tarah Pegatron bhi south India me local subsidiary sthapit karne ki taiyari kar rahi hai. Halanki, abhi iski jagah or samaye seema ke baare me saaf jaankari nahi mili hai.

Foxconn Or Wistron Ne Bhi Badhaya India Me Production

Foxconn Chennai me iPhone XR ka production karti hai jabki Wistron Bengaluru me iPhone 7 banati hai, Bharat sarkar ne haalhi me smartphone ki gharelu manufacturing ko badhava dene ke liye production linked incentive scheme launch ki thi jisne Bharat ko Aatmanirbhar banane me help mil sake. Iske baad Foxconn or Wistron dono ne gharelu production badhaya hai. Sarkar brands ko keval products ko assemble nahi karne ke bajaye unki puri supply chain ko Bharat laane me bhi help kar rahi hai.

China ke sath tanav ki wajah se yeh hairan karne waali baat nahi hai ki ek American Company Apple bhi apni manufacturing ko China se bahar laane ki help kar rahi hai or Bharat yakinan uske labharthiyon me se ek hoga. Pegatron ki China me pehle se kai factories maujood hai or veh apne aadhe se jyada karobaar ke liye Apple par nirbhar hai.

Apple Ka Bharat Me Jyada iPhone Ki Manufacturing Par Focus

Foxconn or Wistron Bharat me apne kaamkaaj ko badhane ki soch rahi hai. Dono contract manufacturing karti hai jo iPhone ke alawa dusre products ka bhi nirmad karti hai. Aaise me Pegatron ki maujoodgi Apple ko local iPhone ki manufacturing ko badhane me bhi help karegi.

Aaisi report hai ki Apple Bharat me jyada iPhone banane ki yojna  par kam kar raha hai jisme haalhi me launch hua iPhone SE 2020 bhi shamil hai. Original iPhone SE ka nirmad bhi Bharat me hi kiya gaya tha.

0/Post a Comment/Comments