JioMart App Launch, Aaise Kar Sakte Hai Is App Ka Istemal

JioMart

Reliance Retail or Jio Platforms ki online grocery service JioMart ka mobile app launch kar diya gaya hai. Company ne phone ka android aur IOS app pesh kiya hai dhyan dene wali baat hai ki Reliance Industries Limited ke Chairman Mukesh Ambani ne apne jio platform ke liye naye plans ki announcement kiya hai ab is platform ka app launch kar diya gaya hai. Aaj ki date mein JioMart ki suvidha Deshbhar ke 200 cities mein available hai. Users is platform per net banking, credit card, debit card aur kai other option ki help se payment kar sakte hain. Yaad rahe ki JioMart ko sabse pahle January month mein Maharashtra ke kuch cities mein rollout kiya gaya tha. Lekin May main is platform ki suvidha kai or cities mein available karai gai hai. Ab tak customer iski service ka fayeda website aur WhatsApp ke through hi utha pa rahe the.


Android or IOS users apne apne smartphone mein JioMart app ko Google Play aur Apple ke App Store se download kar sakte hain. Amazon aur Flipkart ki tarah JioMart users ek-sath kai items ki kharidi kar sakte hain aur apni suvidha ke anusar iska payment kar sakte hain. Jaisa ki humne aapko pahle bataya ki customer ke paas payment karne ke liye net banking, credit card, debit card, cash-on-delivery aur kai option hain. Company ka dawa hai ki JioMart par har product ki price MRP se 5% kam hai.


Aaj ki date mein JioMart se ghar ke grocery item ki kareedi hoti hai lekin Mukesh Ambani ne bataya ki aane wale dino mein is platform per Electronics, Fashion aur Healthcare products bhi available karaye jaenge.


App launch hone ke sath JioMart ki ummid hogi ab vah Amazon, Flipkart aur Bigbasket jaise platform ko majboot chunauti de payegi. Mukesh Ambani ne Reliance Industry ki yearly aam baithak mein bataya tha ki May month mein desh bhar ke other cities mein vistar ke bad is platform per ek din mein approx 2.5 Lakh order mil rahe hain. Company aane wale dino mein aur cities mein vistar karegi.


App or Website ke alava JioMart ki suvidha Whatsapp ke jariye bhi available hai customer Whatsapp ke jariye bhi JioMart se gharelu saman ko order kar sakte hain. 

0/Post a Comment/Comments