New Education Policy 2020: 10+2 System Khatam, Janiye Kya Hai Ye 5+3+3+4 New System

new education policy 2020
Narendra Modi Sarkar ne Wednesday ko hui cabinet baithak mein new education policy ko manjuri de di hai. Ek press conference mein Central Minister Prakash Javadekar ne bataya ki 34 saal baad kisi sarkar ne education policy mein badlav kiya hai. New education policy mein pahle se chale aa rahe school syllabus 10+2 ke format ko khatm kar diya gaya hai ab desh mein 5+3+3+4 ke according sabhi schools mein syllabus decide kiya jaega.

Iska matlab hai ki pahle 3 saal bacche pre-education lenge. Uske baad agle 2 saal class 1st aur class 2nd mein bacchon ko school mein padhaya jaega fir agale 3 saal me class 3rd se 5th ki taiyari ke step mein vibhajit kiya jaega is 5 saal ki padhaai ke liye ek alag syllabus taiyar kiya jaega.

Stages Of Education


Preparatory Stage- Is stage mein Class 3rd se 5th tak ki padhai ko cover kiya jaega. Is dauran bacchon ko Science, Math aur Art etc. ki padhai karai jayegi ye syllabus 8 se 11 saal ke age ke bacchon ko padhaya jaega.


Middle Stage- Isme 11 se 14 saal ki age ke bacchon ko cover kiya jaega. Jo 6th se 8th Class ki padhaai karenge. In class mein subject base syllabus padhaya jaega.


Secondary Stage-  Is stage mein class 9th se 12th ki padhai 2 step mein hogi jismein subject ko choose karne ki azadi bhi hogi. Saath hi saath syllabus ka gahan adhyayan bhi karaya jaayega. Bata de ki pahle class 1st se 10th tak samanya padhaai hoti thi uske baad 10+2 yani senior secondary class mein aane ke baad subject ko choose karne ki azadi thi.


Main Purpose Of New Education Policy 2020


Modi Mantri Mandal dwara manjur ki gai new Education Policy ke ghoshit uddeshy mein se ek hai Bhartiya hone mein garv paida karna. Iska lakshya na keval vicharon mein balki atma, buddhi aur karmon ke sath gyan, kausha,l mulyon aur prastavo ko bhi devolop karna hai. Ye manvadhikar sthai vikas aur jivan yapan aur vishwakalyan ke liye jimmedar pratibaddhta ka samarthan karta hai.

HRD Ministry Ka Badla Gaya Name


Bata de ki new education policy 2020 ke alava yah bhi sujhav diya hai ki Human Resource Development Ministry ko Ministry of Education ke roop mein fir se registered kiya jana chahiye. Human Resource Development Minister Ramesh Pokhriyal Nishank ka kehna hai ki New education policy ke baad Youth ke liye higher education hasil karna pahle ki tulna mein aasan ho jaega unke mutabik new education policy mein area se jude kai muddon ko hal kar liya gaya hai.


0/Post a Comment/Comments