1 August Se Honge Kai Badlav, Aapke Liye Behad Jaruri Jaankari

new rules from 1st august

1 August se aapki pocket kharch per padne wale kai rules main bade badlav hone ja rahe hain. In badlav mein car aur bike kharidna sasta, Account mein Minimum balance per shulk, E-commerce company ke liye naye rule, PM Kisan scheme ki kisht etc shamil hain. Ham aapko 1 august se hone wale rules mein badlav aur jin kaamo ko niptane ki last date 31 July hai. Unko yahan bata rahe hain aap in per dhyan dekar nuksan se bach sakte hain.

  • In Rules Me Badlav


1. Car-Bike Ka Insurance Kharidne Me Rahat

1 August se Car aur Bike ke insurance se jude rules badalne ja rahe hain. 1 august se Car khareedte samaye Car ke liye 3 saal ka aur bike ke liye 5 saal ka third party cover lena jaruri nahin rahega. Is rahat ke baad new Car buyers ko rahat milegi. Vah kam price chuka kar Car ya bike khareed payenge.


2. E-Commerce Company Ke Liye New Rules

E-Commerce company ko 1 August se ye batana jaruri hoga ki wo jis product ki bikri kar rahe hain, vah kahan bana hai. New Consumer kanoon mein e-commerce companies ko lakar yah shakti ki gai hai. Isse Desi Product ko badhava dene mein madad milegi.

3. Account Mein Minimum Balance Per Tax

1 August se kai banks minimum balance ki limit se related rule badalne ja rahe hain. Jankari ke according Bank Of Maharashtra, Axis Bank aur Kotak Mahindra Bank ke banking rules mein yah changes hone ja raha hai. Vahin kuch bank cash withdraw karne per tax vasulne ki bhi taiyari kar rahe hain.

4. PM Ki Or Se Kisano Ki Rakam Aaegi

Sarkar 1 August se PM Kisan Yojana ke tahat kisanon ke bank mein 2000 rupay ki 6th Installment bhejne wali hai. Sarkar ne yojana ki shuruaat se lekar ab tak desh ke 9.85 crore kisanon ko cash profit pahuchaya hai. Ek saal mein yah yojana ke tahat kisanon ke khate mein 6000 rupay jama karae jaate hain.

In Kaamon Ko Niptane Ki Last Date 31 July


1. Sukanya Samriddhi Khata Khulvane Ka Mauka

Jin Mata Pita ki ladki 25 March se 30 June 2020 ke dauran 10 saal ki hui hai, unhe 31 July tak Sukanya Samriddhi Yojana me khata khulwane ka mauka hai. Is Yojana Me Har 3rd month Me samiksha hoti hai. Abhi is par 7.6% Ka Interest diya ja raha hai. Saal Mein 1.5 Lakh rupay Jama kar Tax exemption prapt Kiya Ja sakta hai.

2. Chhoti Bachat Par Penalty Se Rahat

Corona sankat ko dekhte hue Post Office ne PPF Sahit Chhoti bachat scheme mein ek time ke andar minimum balance na jama kara pane per penalty khatm kar di thi. Public Provident Fund, Recurring Deposit Jaisi scheme mein bina penalty ke 31 July tak minimum balance Jama kar sakte hai. Pahle yah date 30 June tak thi iske baad Jama per penalty Dena hoga.

3. Investment Per Tax Exemption Pane Ki Last Date

Corona aur lockdown ki wajah se CBDT ne pichhle saal  2019-20 ke liye Income tax clause 80C ke tahat investment kar tax chhut pane ki date ko 31 July tak badha diya tha. Agar aapne abhi tak apni income ke according investment nahin kiya to ab der mat kijiye aapko Iske baad mauka Nahin milega.

0/Post a Comment/Comments