Nokia 2.4 Benchmark Site Par List, Kuch Specifications Bhi Aaye Saamne

Nokia 2.4

Nokia ka new phone geekbecnch website per list kiya gaya hai, kathit roop se mana ja raha hai ki Nokia 2.4 smartphone ho sakta hai. Phone ko 'HMD Global Wolverine' name se benchmarking site per list kiya gaya hai. Iske alawa phone ke Pramukh specification ki information listing se saamne aai hai. Geekbecnch listing ke according, ye Nokia Smartphone MediaTek MT6762V/WB chipset par kaam karega, jo MediaTek Helio P22 processor hai. Listing me yeh bhi information mili hai ki 'Wolverine' device latest android 10 par kaam karega.

Nokia ka ye new device 'HMD Global Wolverine' name se geekbecnch website par list hai. Listing se yeh jaankari haasil nahi hoti ki aakhir is phone ka real name kya hoga. Lekin NokiaPowerUser ne sutron ke hawale se dava kiya hai ki 'Wolverine' aagami Nokia 2.4 ka codename hai. Ye model Nokia 2.3 ka upgrade version hoga, jo pichle saal December me launch hua tha. Jaisa ki humne bataya geekbecnch listing ke according ye Nokia 2.4 smartphone MediaTek Helio P22 Processor par kaam karega. Is Smartphone me 2 GB ram diya jaayega.

Is entry-level device ko benchmark test me theek-thak score bhi mile hai, jo single-core score 136 hai or multi-core score 497 hai. Iske alawa, geekbecnch listing smartphone ke baare me thoda bahut or khulasa karti hai. Yaad dila de, Nokia 2.3 smartphone Bharat me 8,199 Rs ke price me launch kiya gaya tha, or mana ja raha hai ki Nokia 2.4 smartphone ka price bhi isi ke aas-paas hi hoga.

Nokia 2.3 smartphone me Quad-core MediaTek Helio P22 Processor ke sath 2 GB ram diya gaya tha. Geekbecnch listing website se malum chala hai ki iske upgrade version Nokia 2.4 me Processor upgrade kiya jaayega. Yeh dekhna baaki hai ki HMD Global Selfie camera placement design me koi badlaw karti hai ya phir wahi purana design iske upgrade version me dekhne ko milega. Nokia 2.4 ke camera specifications or battery behtar hone ki ummeed ki ja sakti hai.

Lekin bata de ki abhi HMD Global ne Nokia 2.4 ke launch ko lekar koi bhi official announcement nahi kiya hai.

0/Post a Comment/Comments