UP Ke Schools Me 10th Or 12th Ka Syllabus Kiya Gaya Kam, Rajya Sarkar Ka Faisla

reduce syllabus for 10th or 12th class

Uttar Pradesh sarkar ne faisla kiya hai ki ve apne school me 10th or 12th class ke syllabus ko kam karegi. Ye faisla coronavirus mahamari ko dekhte hue kiya gaya hai. Uttar Pradesh ke Deputy Chief Minister Dinesh Sharma ne bataya ki COVID-19 ke karad Rajya Sarkar ne State Secondry Board Clases ka syllabus 30% kam karne ka decision liya hai.

Rajya me 10th or 12th class ke exams UP Board Of Secondary Education karata hai. Deputy CM ne kaha ki 30% syllabus kam karne ke baad 70% syllabus ko 3 hisso me divide kiya jayega. Classes online ya other medium se sanchalit ki jaayengi.

Deputy CM ke mutabik syllabus ka first part online ya related subjet teacher ke videos ke jariye padhaya jaayega. Syllabus ka second part self study waala hoga or third part project work hoga, jise students pura karenge. Unhone ye bhi kaha ki mulyankan, nigrani or adhyapan ke liye standard operating procedures taiyar kiya jaayega.

University Me Sirf Final Year Ke Honge Exam

UP Sarkar ne sabhi state University ki final year exams ko chor kar sabhi exams ko cancel kar diya hai. Deputy CM ke anusar final year ke alava dusre sabhi classes ko students ke internal assessment ke according promote kiya jaayega. Yani sabhi undergraduate or postgraduate courses ke mamle me sirf last semester ya final year ke hi exams honge or inhe 30 September tak hi karana hoga. Ye exams taye protocol ka palan karte hue ya to offline ya online ya mixed mode me hongi. Undergraduate or Postgraduate classes ke results 15 or 31 October tak announce kiye jaayenge.

Unhone ye bhi kaha ki agar koi student Final Year ya last semester ke exam nahi de pata hai to use doosre mauka milega. Aaise students ke liye Universities apni suvidhanusar doosra exam kara sakegi. Ye rule keval is Acadmic year ke liye kiya gaya hai.

0/Post a Comment/Comments