Samsung Galaxy M01s Jald Hi 3GB Ram Ke Sath Hone Waala Hai Bharat Me Launch

Samsung Galaxy M01s


Samsung Galaxy M01s ka launch ab kaafi kareeb ho sakta hai. Phone ke support page ko Samsung ki official Indian Website par live kar diya gaya hai or listing model number SM-M017/DS ke sath aati hai. Isme "Galaxy M01 (3 GB Ram)" name bhi likha hai, jisse andaza lagta hai ki iska 3GB Ram ke sath-sath ek alag Ram variant bhi hoga. Support page na keval Galaxy M01s ke existence ki pushti karta hai, balki ise model number SM-M017F/DS ke sath bhi jodta hai, jo pehle kai certification websites par dekha gaya hai.

Galaxy M01s ke liye Samsung India Support page me model number SM-M017F/DS ka ullekh hai, jaha 'DS' ka matlab Dual sim se hai. Phone me 3GB Ram variant hoga or sath hi apwaho me raha 2GB Ram variant bhi hoga, jise kathit taur par Google Play console listing me dekha gaya tha. Samsung Galaxy M01s ka support page kisi anya jankari ko ujagar nahi karta hai or Samsung ne aagami phone ki keemat or availability ko lekar bhi abhi chuppi sadhi hui hai, lekin page ke astitva se pata chalta hai ki company Bharat me phone launch karne ke liye lagbhag taiyar hai.

Haal-hi me ek leak ne sujhav diya tha ki Samsung Galaxy M01s pichle saal launch hue Samsung Galaxy A01s ka rebranded version ho sakta hai. Kathit taur par phone ko Google Play Console listing me "Samsung Galaxy M01s GalaxyA10s" or kuch specification ke sath dekha gaya tha. Jisse pata chala tha ki phone me Octa-core MediaTek MT6762 (Helio P22) processor, PowerVR GE8320 GPU, 720x1,520 pixel display ke sath 280 PPI Pixel density or 2GB Ram shamil honge. Isme Android 10 or Android 9 dono hi list the, lekin Wi-Fi Alliance listing me yeh kathit Galaxy M01s phone Android 9 out-of-the-box ke sath list tha.

Samsung Galaxy M01s smartphone asal me Galaxy A01s ka rebranded version sabit hota hai, to is phone me hum ummeed kar sakte hai ki 6.20 inch ka display, 13-megapixel ke primary camera or 2-megapixel ke secondary camera ke sath dual rear camera setup, selfie ke liye 8-megapixel ka notch sensor etc aa sakta hai. Is phone ki battery 4,000 MAh ki ho sakti hai.

0/Post a Comment/Comments