Agar Aapko Bhi Aaya Hai TikTok Pro Ka Message, To Download Karne Se Pehle Padhe...

tiktok pro malware

TikTok Pro malware (virus), jo apke phone ki information chura sakta hai, whatsapp par fake whatsapp group ke jariye failaya ja raha hai. Yeh fake TikTok ke roop me fail raha hai, jise kuch samaye pehle Bharat me ban kar diya gaya hai. Ye information khud Maharashtra Cyber Cell ne di hai. Sarkar ke dwara ban kiye jaane ke baad TikTok fans is app ko utsukta ke chalte whatsapp groups par share kiye gaye link ke jariye download kar rahe hai. Veh is khabar se anjan hai ki ye app fake hai, jo ek tarah ka malware (virus) hai.

Maharashtra Sarkar ne is malware app ke khilaf users ko savdhani baratne ke liye chetavani jari ki hai kyon ki yeh aapke phone se personal data ko chura raha hai. TikTok Pro malware app purane TikTok ki tarah hi dikhta hai. Yeh aapke phone ke camera, image gallery, mic or other Permission mangta hai.

Sarkar dwara ban 59 apps ke Bharat me bahut sare users the, lekin inme se koi TikTok ke barabar popular nahi tha or TikTok ke ban ke baad me, kai Bharatiya option bhi ubhar kar samane aaye hai. Itna hi nahi, balki Facebook ke Instagram ne bhi Bharat me apna TikTok vikalp, Reels launch kar diya hai. Iske baad bhi, sarkar ko is malware ke baare me logo ko savadhan karna pad raha hai or ye kahi na kahi TikTok ki Bharat me lokpriyata ko dikhata hai.

Maharashtra Cyber Cell ne tweet kar logo ko is new TikTok scam ke baare me jankari di. Sarkar salahkaar ka kehna hai ki log ab TikTok Pro name ke ek malware app ko badhava dekar TikTok ki lokpriyata ka faayeda utha rahe hai. Apradhi TikTok Pro ko ban app ka vikalp bata rhe hai. Veh vibhinn social media platforms ke jariye text message bhej rahe hai or logo ko app download karne ke liye ek link bhi diya ja raha hai. Message me likha hai, "TikTok video ka aanand le or fir se creative video banaye. Ab TikTok keval (TikTok Pro) me available hai, isliye niche diye gaye link se download kare." Sarkar ne logo ko salah di hai ki veh ban apps ke link par click na kare ya kisi bhi apk file ko download na kare, kyonki wo malware (virus) ho sakta hai.

0/Post a Comment/Comments