Make In India Me Shamil Vivo Smartphone, Bharat Me Karegi 7,500 Crore Rupee Invest

vivo invest in india soon

Smartphone banane waali company Vivo Bharat me industrial design center established karegi, taki Desh me hi mobile phone develop kiya ja sake. Sath hi apne workers ki sankhya badhakar 50,000 karegi. Vivo India ke nirdeshak Nipun Marya ne kaha ki company ne Desh me 7,500 crore Rupee invest karne ki announcement ki hai. Iske madhyam se company ka goal mobile manufacturing capacity ko maujooda 3.3 crore se badhakar 12 crore karna hai.

Unhone kaha ki bahut jald ve desh me apna industrial design center stabilise karne ja rahe hai. Fir ve na sirf 'Make In India' product bana rahe honge, balki iski designing bhi desh me hogi.

Bharat Me Bana Pehla Phone 2020-21 Ke Dauran Aayega

Yeh Design Center Bhartiya costomer ki jarurat ko samajhne par dhyan dega. Bharat me hi manufacturing or design kiya gaya pehla Vivo phone 2020-21 ke dauran market me aa jaayega. Marya ne virtual program me 5G technology ke liye taiyar X50 series ke smartphone pesh kar Vivo ke primium smartphone segment me pravesh karne ki announcement kiya. Unhone kaha ki vah Prime Minister Narendra Modi ke 'Vocal For Local' abhiyan ka puri tarah support karte hai.

Company ne apne Greater Noida Plant ke vistar par 7,500 crore Rupee ka investment kiya hai. Is investment se unki local purchase ek saal me 15% se badhkar 40% ho jaayegi. Bhartiya smartphone market me Vivo ki market hissedari lagbhag 21% hai or vah doosri sabse badi smartphone Company hai.

Workers Ki Sankhya Badhakar 50,000 Hogi

Marya ne kaha ki company apne plant ke vistar ke sath hi apne workers ki sankhya 50,000 karegi. Is investment se yeh plant na sirf Vivo ke sabse bade plants me se ek hoga balki yah desh ka sabse bada smartphone manufacturing plant hoga. Company ne X50 series ke tahat do model pesh kiye hai. Inki price 34,990 Rs or 37,990 Rs hai. Jabki X50 Pro ki price 49,990 Rs hai.

0/Post a Comment/Comments