TikTok Ko Khared Sakti Hai Microsoft, Bharat Me TikTok Ke Wapasi Ke Chance Badhe

microsoft can buy tiktok

Data Security ko leker vivadit Chinese short video app TikTok American ownership me jane ko taiyar ho gai hai. Pichle ek month se chal rahi lambi conversation ke baad TikTok ki parent Company bytedance ne ye decision liya hai.

Isse pehle TikTok ne kaha tha ki wah America me ban se bachne ke liye kuch hissedari bech sakta hai, jiske liye America Ke President Donald Trump raazi nahi the or ve TikTok par ban lagane waale the lekin end time par TikTok puri hissedari America ko dene ke liye taiyar ho gaya. Microsoft or TikTok ke beech ye deal 5 billion dollers me ho sakta hai.

News agency Reuters ke according, agar Microsoft TikTok ko kharidta hai, to America me users ke data ki jimmedari uski hogi. Users ka data Microsoft ke server par store hoga. Saaf words me kahe to bytedance ne China se nata tod liya hai, halaki Microsoft ke sath is deal ko lekar TikTok ya Microsoft ki or se abhi tak koi official statement nahi aaya hai.

Bata de ki Bharat ke baad America TikTok ke liye dusri sabse badi market hai. America me TikTok ke active monthly users ki sankhya 80 million yani 8 Crore hai. Aaise me Company ke is decision ne use hone waale bade loss se bacha diya hai. Sath hi Bharat me TikTok ki wapasi ki bhi ummeed badh gai hai.

0/Post a Comment/Comments