10,000mAh Battery Waale Phone Ke Sath Company Kar Rahi Comeback, Samsung Or Realme Ke Phones Ko Degi Takkar

gionee 10000 mAh battery smartphone

Smartphone market Mein aaj-kal 4000mAh se lekar 5000mAh tak ki battery wale phone aa chuke hain. Pichle dino Samsung aur Realme ne apne phone launch kiye hain jo 6000mAh tak ki battery support karte hain. Ye phone is waqt market mein available sabse badi battery wale smartphone hai. Lekin ab jald hi in dono brand ko competition milane wala hai. Aur vah bhi koi chhoti moti nahi balki tagda competition Samsung, Realme or sabhi badi battery wale smartphone brands ko takkar dene aa raha hai 10,000 mAh battery wala yah damdaar smartphone.

Abhi tak 10,000mAh battery wale power bank kharide jaate the jo smartphone ko charge karte the. Lekin ab jald hi 10,000mAh battery wale smartphone bhi market mein dekhne ko milega. Is smartphone ko laane ja rahi hai ek time Bharat mein hit mani jaane wali Tech company Gionee. Gionee ek samaye India mein ek successful brand rah chuka hai aur iske phones ko low budget mein log bahut pasand karte hai. Gionee ab ek bar fir market me u-turn maar rahi hai aur entry le rahi hai 10,000mAh battery wale smartphone ke sath.



Website Per List

Gionee ke is aane waale 10,000mAh battery wale smartphone ko Chinese certification site TENAA per dekha gaya hai. Is listing main phone ka name to nahi bataya gaya lekin expectations hai ki yah phone Gionee ki ‘Marathon Series’ mein launch kiya jaega. Example ke taur per bata de ki saal 2015 mein Marathon M5 name ka phone Gionee ne launch kiya tha jisme 6,020 ki battery di gai thi. Vahi Marathon M2017 name ka bhi ek phone aaya tha jiski battery 7,000mAh thi.

TENAA per is phone ka model number 20200418 bataya gaya hai. Website per khulasa hua hai ki aane wale Gionee smartphone me 10,000mAh battery di jayedi. Wahi other specifications ki baat karen to TENAA website ke according is device me Android 7.1 Naougat diya jaayega. Halaki android version kafi purana ho chuka hai, baki OS me update ki ummid kar sakte hai. Iske sath hi phone mein 2.0 gigahertz clock speed wala Octacore processor diye jaane ki baat kahi hai.

Gionee phone ko TENAA per 3 Ram variant mein dikhaya gaya hai. Jinme 4 GB Ram, 6 GB Ram or 8GB Ram hogi. Uske sath phone mein 64GB, 128GB aur 256GB ke 3 storage option bhi diye gaye hain. Gionee ke is aane waale phone ka name kya hoga aur yah Bharat mein launch hoga ya nahi is bare mein abhi kuchh bhi official information nahi di gai hai.


0/Post a Comment/Comments